LIC Amritbaal: పిల్లల కోసం ఉన్న ఈ కొత్త LIC స్కీమ్‌ గురించి తెలుసా? 7ఏళ్ల పాటు ఇన్వెస్ట్ చేస్తే ఒక్కసారే చేతికి ఎన్ని లక్షలంటే?

Author : Jnanaloka Published : February 10, 2025

You might be interested in:

Sponsored Links

భారతీయ జీవిత బీమా సంస్థ చిన్న పిల్లల భవిష్యత్తుకు ఉపయోగపడే విధంగా సరికొత్త పాలసీని గత ఏడాది లాంఛ్ చేసిన విషయం తెలిసిందే.

తల్లిదండ్రులు తమ పిల్లల చదువులు, పెళ్లి కోసం ఇన్వెస్ట్ చేస్తుంటారు. అలాంటి వారికోసం అమృత్ బాల్ పేరుతో ఈ పాలసీని అందిస్తోంది. ఎల్ఐసీ అమృత్ బాల్ ప్లాన్ అనేది ఒక నాన్ లింక్డ్, నాన్ పార్టిసిపేటింగ్, ఇండివిడ్యువల్ , సేవింగ్స్, లైఫ్ ఇన్సూరెన్స్ పాలసీ. చిన్న పిల్లల పేరుపై తల్లిదండ్రులు, సంరక్షకులు ఈ పాలసీ తీసుకోవచ్చు. పిల్లలకు యుక్త వయసు వచ్చే సరికి పెద్ద మొత్తంలో చేతికి నగదు అందుతుంది. దాంతోపాటు ఇన్సూరెన్స్ కవరేజీ లభిస్తుంది. ఈ పాలసీలో కేవలం 7ఏళ్లు ప్రీమియం చెల్లిస్తే ఒకేసారి రూ. 13లక్షల వరకు అందుకోవచ్చు. అది ఎలా, పాలసీ ప్రయోజనాలు ఏంటో చూద్దాం. 

Teachers Information Whatsapp Group:

ఉన్నత చదువులు, పెళ్లిళ్ల కోసం పెద్ద మొత్తంలో ఖర్చు చేయాల్సి ఉంటుంది. ఇది తల్లిదండ్రులకు తలకుమించిన భారమనే చెప్పాలి. ఈ అంశాలను ద్రుష్టిలో ఉంచుకుని తల్లిదండ్రుల కోసం చిల్డ్రెన్ ప్లాన్ లాంచ్ చేసినట్లు ఎల్ఐసీ తెలిపింది. ప్రీమియం పరిమిత కాలం చెల్లించి దీర్ఘకాలంలో ఎక్కువ మొత్తంలో రాబడి అందుకోవచ్చు. ఈ పథకంలో సింగిల్ ప్రీమియం ఆప్షన్ ఉంటుంది. దీంతోపాటు ప్రతి రూ. 1000 పొదుపుకు గరిష్టంగా రూ. 80వరకు గ్యారెండీట్ అడిషన్ లభిస్తుంది. పిల్లల వయసు 18 నుంచి 25ఏళ్లు వచ్చే సరికి ఈ పాలసీ మెచ్యూరిటీ అవుతుంది. దీంతో వారి చదువు, పెళ్లిళ్ల విషయంలో తల్లిదండ్రులకు ఎంతో మేలు జరుగుతుంది. 

ఈ పాలసీ తీసుకునేందుకు 30రోజుల వయసు ఉన్న పిల్లల నుంచి గరిష్టంగా 13ఏళ్ల వయసు ఉన్న పిల్లలకు అర్హత ఉంటుంది. ఈ ప్లాన్ మెచ్యూరిటీ కనీస వయసు 18ఏళ్లుగా ఉంది. గరిష్ట వయసు 25ఏళ్లు ఎంచుకోవచ్చు. ఈ ప్లాన్ ప్రీమియం పేమెంట్లు 5ఏళ్లు, 6ఏళ్లు, 7ఏళ్లు ఆప్షన్స్ ఎంచుకోవచ్చు. ఈ పాలసీ టర్మ్ కనీసం 10ఏళ్లుగా ఉండాలి. గరిష్టంగా 25ఏళ్లు ఉంటుంది. ఇందులో కనీసం సమ్ అష్యూర్డ్ రూ. 2లక్షలు. ఆ తర్వాత ఎంతైనా పెట్టుబడి పెట్టుకోవచ్చు. 

ఎల్ఐసీ అమృత్ బాల్ పాలసీ తీసుకుంటే ఇందులో 5,6,7 ఏళ్ల టర్మ్ సెలక్ట్ చేసుకోవచ్చు. ఒక ఉదాహరణ ద్వారా చూస్తే మీ 5 ఏళ్ల పాప పేరుపై రూ. 5లక్షల సమ్ అష్యూర్డ్ పై పాలసీ తీసుకుంటే..మీ ప్రీమియం చెల్లింపు టర్మ్ 7 సంవత్సరాలు, పాలసీ మెచ్యూరిటీ టర్మ్ 20ఏళ్లుగా ఎంచుకోవాలి. ప్రతి సంవత్సరం రూ. 73,624 ప్రీమియం చెల్లించాలి. ఇలా 7ఏళ్లపాటు ప్రీమియం చెల్లిస్తూ ఉండాలి

20 సంవత్సరాల వరకు ఈ పాలసీ కొనసాగుతుంది. అంటే మీ పాపకు 25 సంవత్సరాలు వస్తాయి. మీరు చెల్లించిన ప్రీమియం రూ. 5.15లక్షలు అవుతుంది. దానిపై గ్యారెంటీడ్ అడిషన్స్ ద్వారా మొత్తం రూ. 8లక్షలు అవుతాయి. దీంతో మీకు మెచ్యూరిటీ నాటికి చేతికి రూ. 13లక్షల అందుతంది. ఈ స్కీమ్ లో మీరు 5సంవత్సాలు ప్రీమియం టెన్యూర్ సెలక్ట్ చేసుకోవచ్చు. టర్మ్ తగ్గిస్తే మీరు కట్టిన ప్రీమియం కూడా పెరుగుతుంది. ఈ పాలసీ పూర్తి వివరాలను ఎల్ఐసీ అధికారిక వెబ్ సైట్ ద్వారా తెలుసుకోవచ్చు.