మోడల్ (ప్రైమరీ స్కూల్ హెడ్ మాస్టర్ (MPSHM/SA) దరఖాస్తు ప్రక్రియను సజావుగా అమలు చేయడంపై సూచనలు

Author : Jnanaloka Published : May 31, 2025

You might be interested in:

Sponsored Links

పునర్విభజన ప్రక్రియలో భాగంగా, కొన్ని సబ్జెక్టులలో స్కూల్ అసిస్టెంట్ (SA) కేడర్లో అధికంగా ఉన్న పోస్టులను మోడల్ ప్రైమరీ స్కూల్ హెడ్ మాస్టర్ (MPSHM/SA) పోస్టులుగా మార్పు చేయబడ్డాయి. సబ్జెక్టు వారీగా, మీడియం వారీగా మరియు జిల్లా వారీగా వివరాలు జత చేయబడ్డాయి.

ఈ ప్రక్రియను సజావుగా, పారదర్శకంగా అమలు చేయడంకోసం క్రింది సూచనలు పాటించవలెను:

1. దరఖాస్తు చేయగల అర్హత ఉన్నవారు:

పునర్విభజన లేదా తప్పనిసరి బదిలీలకు లోనైన గుర్తించబడిన సబ్జెక్టుల సర్ ప్లస్ స్కూల్ అసిస్టెంట్స్, తమకు ఇష్టమైన ఖాళీలను ఎంపిక చేసుకుని MPSHM/SA పోస్టులకు దరఖాస్తు చేయవచ్చు. ఉపాధ్యాయులు ఒకటి లేదా రెండు పాఠశాలలను అయినా ఎంచుకోవచ్చు.

2. సీనియర్ టీచర్లు దరఖాస్తు చేయడం:

సర్ ప్లస్ స్కూల్ అసిస్టెంట్స్, సబ్జెక్టుల వారీగా స్వచ్చందంగా MPSHM/SA పోస్టులకు దరఖాస్తు చేసి వారు తమ ఇష్టానుసారం పోస్టును ఎంచుకోవచ్చు. ఉపాధ్యాయులు ఒకటి లేదా రెండు పాఠశాలలను అయినా ఎంచుకోవచ్చు.

3. సీనియర్ల నుంచి తగినంత దరఖాసులు రాని పక్షంలో:

ఒక నిర్దిష్ట సబ్జెక్టులో తగినంత సీనియర్ స్కూల్ అసిస్టెంట్స్ దరఖాస్తు చేయనట్లయితే, ఆ సబ్జెక్టులో జూనియర్ స్కూల్ అసిస్టెంట్స్ తప్పనిసరిగా దరఖాస్తు చేయాలి.

4. జూనియర్ స్కూల్ అసిస్టెంట్స్ దరఖాస్తు చేయకపోతే:

జూనియర్ స్కూల్ అసిస్టెంట్స్ దరఖాస్తు చేయకపోతే, వారికి మిగిలిన MPSHM/SA ఖాళీలు వారికి కేటాయించబడతాయి. ఇందులో,

• పాయింట్స్ ఆధారంగా కేటాయింపు జరుగుతుంది.
• పాయింట్లు సమానంగా ఉన్నట్లయితే పుట్టిన తేదీ ఆధారంగా నిర్ణయిస్తారు.
• పుట్టిన తేదీ కూడా సమానంగా ఉంటే మహిళా అభ్యర్థిని ప్రాధాన్యత ఇస్తారు.

కావున సంబంధిత సబ్జెక్టులలో జూనియర్ స్కూల్ అసిస్టెంట్స్ తప్పనిసరిగా దరఖాస్తు చేయాలి, తద్వారా ఈ ప్రక్రియ పారదర్శకంగా మరియు సమర్థవంతంగా అమలవుతుంది.