22-10-2025 కరెంట్ అఫైర్స్ (Current Affairs) వివిధ పోటీ పరీక్షలకు ఉపయోగపడే ముఖ్యమైన బిట్స్

Author : Jnanaloka Published : October 21, 2025

You might be interested in:

Sponsored Links

జాతీయ అంశాలు:

​SITAA (Scheme for Innovation and Technology Association with Aadhaar): డిజిటల్ గుర్తింపు రంగంలో ఆవిష్కరణలను, సహకారాన్ని ప్రోత్సహించడానికి UIDAI (Unique Identification Authority of India) ఈ పథకాన్ని ప్రారంభించింది.

​బ్ర‌హ్మోస్ క్షిపణి (BrahMos Missiles): బ్రహ్మోస్ ఏరోస్పేస్ లిమిటెడ్ లక్నో యూనిట్‌లో తయారైన తొలి బ్యాచ్ సూపర్‌సోనిక్ బ్ర‌హ్మోస్ క్షిపణులను ఇటీవ‌ల జెండా ఊపి ప్రారంభించారు. కేవలం ఐదు నెలల్లోనే ఈ సౌకర్యం నుంచి మొదటి బ్యాచ్ క్షిపణులు తయారయ్యాయి.

​కపాస్ క్రాంతి మిషన్ (Kapas Kranti Mission): అధిక దిగుబడిని, పొడవాటి పత్తి సాగును పెంచడానికి ₹600 కోట్ల వ్యయంతో కేంద్ర ప్రభుత్వం ఈ మిషన్‌ను ప్రారంభించింది.

​FSSAI ఆదేశాలు: ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) ఆహార ఉత్పత్తుల లేబుల్స్ మరియు ప్రకటనలలో 'ORS' అనే పదాన్ని ఉపయోగించడాన్ని నిషేధించింది.

​అంతర్జాతీయ అంశాలు:

​గ్రీన్‌హౌస్ వాయువుల బులిటెన్ (Greenhouse Gas Bulletin): ప్రపంచ వాతావరణ సంస్థ (WMO) నివేదిక ప్రకారం, 2024లో కార్బన్ డయాక్సైడ్ సగటు ఉపరితల సాంద్రత రికార్డు స్థాయిలో 423.9 ppmకి పెరిగింది. పారిశ్రామిక పూర్వ స్థాయిల కంటే ఇది 152% ఎక్కువ.

​గ్లోబల్ బర్డెన్ ఆఫ్ డిసీజ్ (GBD) నివేదిక: ప్రపంచంలో సంభవించే మరణాలు, అనారోగ్యాలలో దాదాపు మూడింట రెండు వంతులు అంటువ్యాధులు కాని వ్యాధుల (NCDs) కారణంగానే జరుగుతున్నాయని ఈ నివేదిక వెల్లడించింది.

​ప్రపంచ బ్యాంక్ అంచనాలు: ప్రపంచ బ్యాంక్ తన తాజా నివేదికలో 2025-26 ఆర్థిక సంవత్సరానికి భారతదేశ ఆర్థిక వృద్ధి అంచనాను 6.4%గా ఉంచింది.

​ఇండియా - యూకే వాణిజ్య ఒప్పందం: భారత్-యూకే సమగ్ర ఆర్థిక వాణిజ్య ఒప్పందం (CETA)పై సంతకాలు జరిగాయి.

​క్రీడలు:

​యూఎస్ గ్రాండ్ ప్రి (US Grand Prix): ఫార్ములా 1 యునైటెడ్ స్టేట్స్ గ్రాండ్ ప్రి 2025లో మాక్స్ వెర్స్టాపెన్ విజయం సాధించారు.

​U-20 ప్రపంచకప్: మొరాకో జట్టు U-20 FIFA ప్రపంచకప్ గెలుచుకుంది.