You might be interested in:
స్మార్ట్ పెన్షన్ పథకం కింద పాలసీదారులు నెలవారీ, త్రైమాసిక, అర్ధ-వార్షిక, వార్షిక ప్రాతిపదికన పెన్షన్ పొందడాన్ని ఎంచుకోవచ్చు. ఈ పథకం కింద యాన్యుటీ ప్రయోజనం కూడా పొందవచ్చు. పాలసీదారుల తర్వాత నామినీకి ఈ పథకం ప్రయోజనం అందిస్తారు. ఈ పథకాన్ని LIC వెబ్‌సైట్ నుండి ఆన్‌లైన్‌లో కొనుగోలు చేయవచ్చు లేదా LIC ఏజెంట్లు, POSP-లైఫ్ ఇన్సూరెన్స్, కామన్ పబ్లిక్ సర్వీస్ సెంటర్ల ద్వారా ఆఫ్‌లైన్‌లో కూడా కొనుగోలు చేయవచ్చు. ఎల్‌ఐసీ స్మార్ట్ పెన్షన్ పథకం ప్రత్యేకత ఏంటంటే..పదవీ విరమణ తర్వాత ప్రజలు క్రమం తప్పకుండా ఆదాయం పొందేలా చూసుకోవడానికి లైఫ్ ఇన్సూరెన్స్ కార్పొరేషన్ ఆఫ్ ఇండియా ఈ పథకాన్ని ప్రారంభించింది. LIC స్మార్ట్ పెన్షన్ ప్లాన్ కింద ఒకేసారి ప్రీమియం చెల్లించాలి. ఆ తరువాత మీకు జీవితాంతం పెన్షన్ అందుతూనే ఉంటుంది. ఈ పథకం కింద సింగిల్, జాయింట్ యాన్యుటీ ఎంపికలు రెండింటినీ ఎంచుకోవచ్చు. దీనిలో మీరు పాక్షిక లేదా పూర్తి ఉపసంహరణ ఎంపికను కూడా ఎంచుకోవచ్చు. ఇందులో కనీసం లక్ష రూపాయలు పెట్టుబడి పెట్టాల్సి ఉంటుంది. గరిష్ట పరిమితి ఏమీ లేదు.
0 comment