You might be interested in:
ఆరోగ్యశాఖలో కాంట్రాక్ట్, ఔట్ సోర్సింగ్ సిబ్బందికి ఏపీ ప్రభుత్వం శుభవార్తచెప్పింది. రాష్ట్రవ్యాప్తంగా వివిధ వైద్య ఆరోగ్య సంస్థల్లో పనిచేస్తున్న కాంట్రాక్ట్ మరియు ఔట్ సోర్సింగ్ సిబ్బంది కి అదనంగా 5 క్యాజువల్ సెలవులను మంజూరు చేసింది.
ఇది ఉద్యోగుల సంక్షేమాన్ని దృష్టిలో ఉంచుకుని తీసుకున్న మంచి నిర్ణయంగా భావిస్తున్నారు. ఈ నిర్ణయం వల్ల సదరు ఉద్యోగులకు మరింత పనిమూడ్ పెరగడమే కాకుండా, పనితీరు మెరుగుపడే అవకాశం ఉంది.
ఉద్యోగులు ఇబ్బందులు
ఇప్పటివరకు ఈ విభాగంలో పనిచేసే ఉద్యోగులకు పరిమిత క్యాజువల్ సెలవులు మాత్రమే అందుబాటులో ఉండేవి. క్యాజువల్ లీవ్స్ తక్కువగా ఉండటంతో అనేక ఉద్యోగులు ఇబ్బందులు ఎదుర్కొంటున్నారని, అవి పెంచాలని ప్రభుత్వం కోరారు. వారి విజ్ఞప్తిని పరిశీలించిన ప్రభుత్వం, 5 అదనపు క్యాజువల్ సెలవులను మంజూరు చేయాలని నిర్ణయించింది. త్వరలో దీనికి సంబంధించిన అధికారిక ఉత్తర్వులు కూడా విడుదల చేయనున్నట్లు సమాచారం.
ఐదు క్యాజువల్ లీవ్స్ రావడంతో ఉద్యోగులకు ఉపశమనం
ఈ నిర్ణయంతో ఉద్యోగుల్లో హర్షాతిరేకాలు వ్యక్తమవుతున్నాయి. ఇంతకాలం కేవలం పరిమిత సంఖ్యలోనే సెలవులు ఉండటంతో అనారోగ్యం, కుటుంబ అవసరాల కోసం సెలవులు తీసుకోవడంలో కాస్త ఇబ్బంది ఉండేది. ఇప్పుడు అదనంగా ఐదు క్యాజువల్ లీవ్స్ రావడంతో ఉద్యోగులకు ఉపశమనం లభించనుంది. ముఖ్యంగా, ఆరోగ్య సంరక్షణ రంగంలో ఉద్యోగుల మానసిక ఒత్తిడిని తగ్గించేందుకు ఈ నిర్ణయం ఎంతో దోహదపడనుంది.
కొత్త పాలసీ అమల్లోకి
ఏపీ వైద్య ఆరోగ్య శాఖ ఉద్యోగుల సంక్షేమాన్ని దృష్టిలో ఉంచుకుని ప్రభుత్వం ఈ నిర్ణయం తీసుకోవడం అభినందనీయమని ఉద్యోగులు అభిప్రాయపడుతున్నారు. ప్రభుత్వ విధానాల్లో ఈ విధమైన మార్పులు రావడం ఉద్యోగుల నిబద్ధతను పెంచడంలో సహాయపడుతుంది. త్వరలో ఈ కొత్త పాలసీ అమల్లోకి రానున్న నేపథ్యంలో, అధికారిక ఉత్తర్వుల కోసం ఉద్యోగులు ఆసక్తిగా ఎదురుచూస్తున్నారు. ఈ నిర్ణయం అనేక మందికి ప్రయోజనం చేకూరుస్తుందనే నమ్మకం వ్యక్తమవుతోంది.
0 comment